باندێکی دزینی ماتۆڕسکیل دەستگیرکران
مەفرەزەکانی نوسینگەی كوردساتی بەشی نەهێشتنی تاوانی سلێمانی باندێکی پێنج کەسی دزینی ماتۆڕسکیلیان دەستگیرکرد کە لەچەند شوێنێکی شاری سلێمانی ماتۆڕسکیلیان دزیبوو.
دوای ئەوەی چەند هاوڵاتییەک سکاڵایان تۆمار کرد کە ماتۆڕسکیلیان لێدزرابوو، دەستبەجێ هێزەکانی پۆلیس لێکۆڵینەوەکانیان دەستپێکردو پاش وەرگرتنی بڕیاری بەڕێز دادوەر، توانرا لەماوەیەکی کەمدا تۆمەتباران بدۆزرێنەوەو لەلایەن مەفرەزەکانی نوسینگەی كوردساتی بەشی پۆلیسی نەهێشتنی تاوانی سلێمانییەوە دەستگیر بکرێن.
تۆمەتباران ( د، و، ف - گ، ک، ع - ڕ، ع، ص - أ، ز، ص - ب، د، ن) دانیان بەتاوانەکەیاندا ناوەو بەبڕیاری بەڕێز دادوەرو بەپێی ماددەی ٤٤٦ لەیاسای سزادان ڕاگیراون و لێکۆڵینەوەکان بەردەوامە.
هاوبەشی پێبکە بۆ سۆشیاڵ میدیا
