دەستبەسەر ئۆتۆمبێلێكی دزراودا گیرا
لەلایەن مەفرەزەكانی بنكه‌ی پۆلیسی زه‌ڕایه‌نی سه‌ر به‌به‌شی پۆلیسی شاره‌زوورەوە ده‌ستبەسەر ئۆتۆمبێلێكدا گیرا كە فەرمانی دەستبەسەردا گرتنی هەبووە لە دادگای لێكۆڵینەوەی هه‌ولێر.
دوای ئەوەی فەرمانێكی دەستبەسەرداگرتنی ئۆتۆمبێل لەلایەن دادگای لێکۆڵینەوەی هه‌ولێره‌وه گەیشتە بەڕێوەبەرایەتی پۆلیسی پارێزگای سلێمانی، هێزه‌كانی پۆلیس لێکۆڵینەوەو بەدواداچونیان بۆدۆزینەوەو دەستبەسەراگرتنی دەستیپێکرد.
دوای گەڕان‌و بەدواداچونەکان توانرا لەلایەن مەفرەزەكانی بنكه‌ی پۆلیسی زه‌ڕایه‌نی سه‌ر به‌به‌شی پۆلیسی شاره‌زوورەوە ئوتومبێلەکە کە لەجۆری لاندكروزه‌ره بدۆزرێتەوەو دەستیبەسەردا بگیرێت. پاش تەواوکردنی ڕێکارە یاساییەکان ڕادەستی دادگای لێکۆڵینەوەی هه‌ولێر دەکرێتەوە.
بەڕێوەبەرایەتی پۆلیسی پارێزگای سلێمانی - ڕاگەیاندن‌و پەیوەندییەكان
هاوبەشی پێبکە بۆ سۆشیاڵ میدیا
