لەچەند پەیج و سایتێكی ئاژاوەگێرو بەمەبەست بۆ ناشرینكردنی شاری سلێمانی هەواڵێك بڵاوكراوەتەوە كە گوایە هێزێكی كۆماندۆی كوردستان و مەفرەزەكانی بنكەی پۆلیسی ڕاپەڕین گرژی كەوتووەتە نێوانیان ، لێرەوە بەهەموو لایەكی ڕادەگەیەنین ئەو هەواڵە سەراپای دورە لە ڕاستییەوە .

 

ڕوداوەكە بەجۆرێك بووە مەفرەزەكانی بنكەی پۆلیسی ڕاپەڕین سەرقاڵی گرتنی تۆمەتبارێك بوون و لەوێ‌ كارمەندێكی هێزەكانی كۆماندۆی كوردستان ئامادەیی هەبووە و هاوكاری هێزەكانی پۆلیسی كردووە، دواتر دوو مەفرەزەی هێزەكانی كۆماندۆ بۆ هاوكاریكردنی هێزەكانی پۆلیس گەیشتوونەتە شوێنی ڕوداوەكە ، سەرەنجام توانراوە دەستبگیرێت بەسەر چەكێك و ئۆتۆمبێلێكدا كە بە تۆمەتبار بووە.

 

بەڕێوەبەرایەتی پۆلیسی پارێزگای سلێمانی – ڕاگەیاندن و پەیوەندییەكان