ئه‌مڕۆ یه‌كشه‌ممه‌ 2024/6/2، به‌ئاماده‌بوونی‌ به‌ڕێز قوباد تاڵه‌بانی‌ جێگری‌ سه‌رۆك وه‌زیرانی‌ حكومه‌تی‌ هه‌رێمی‌ كوردستان‌، ئاڵوگۆڕ له‌پۆستی‌ به‌ڕێوه‌به‌ری‌ پۆلیسی‌ پارێزگای‌ سلێمانی‌ ئه‌نجامدراو به‌ڕێز قوباد تاڵه‌بانی‌ سوپاس‌و ده‌ستخۆشی‌ له‌به‌ڕێز عه‌مید ئاسۆ شێخ ته‌ها كرد كه‌ چەند ساڵێکە به‌سه‌ركه‌وتویی كاره‌كانی‌ ڕاپه‌ڕاندووه‌و توانیویه‌تی‌ كارو چالاكییەکانی‌ به‌باشی و بەشێوەیەکی یاسایی ئه‌نجامبدات.

 

به‌ڕێز عه‌مید د. ئارام محه‌مه‌د وه‌ك به‌ڕێوه‌به‌ری‌ نوێی‌ پۆلیسی‌ پارێزگای‌ سلێمانی‌ ده‌ستبه‌كار بوو له‌جێگای‌ به‌ڕێز عه‌میدی‌ مافپه‌روه‌ر ئاسۆ شێخ ته‌ها به‌ڕێوه‌به‌ری‌ پێشوی‌ پۆلیسی‌ پارێزگای‌ سلێمانی‌‌و ده‌ستبه‌كاربوونی‌ وه‌ك فەرماندەی لیوای‌ 2ی‌ پاراستنی‌ داموده‌زگا نه‌وتییه‌كانی‌ سلێمانی‌.

 

به‌ڕێوه‌به‌رایه‌تی‌ پۆلیسی‌ پارێزگای‌ سلێمانی