تۆمەتبارێك دەستگیركرا
مەفرەزەكانی بەشی پۆلیسی نەهێشتنی تاوانی سلێمانی - نوسینگەی ڕزگاری تۆمەتبارێكیان دەستگیركرد كە چەندین تاوانی دزیكردنی ئەنجامداوە و دانی ناوە بە 32 تاوانی دزیكردندا .
دوای ئەوەی چەند شۆفێرێك سكاڵایان تۆماركرد كە جامی ئۆتۆمبێلەكانیان شكاوە یان كراوەتەوەو پارەی لێدزراوە ، مەفرەزەكانی بەشی پۆلیسی نەهێشتنی تاوانی سلێمانی لێكۆڵینەوەو بەدواداچوونەكانیان دەستپێكردو سەرەنجام توانرا لەلایەن نوسینگەی ڕزگاری نەهێشتنی تاوانەوە تۆمەتبار بدۆزرێتەوەو دەستگیربكرێت.
لە ئێستادا تۆمەتبار ( س،أ،ح لەدایكبووی 1989 ) بەبڕیاری بەڕێز دادوەرو بەپێی ماددەی 446 لەیاسای سزادانی عیراقی ڕاگیراوەو دانی ناوە بە 32 تاوانی دزیكردندا .
بەڕێوەبەرایەتی پۆلیسی پارێزگای سلێمانی – ڕاگەیاندن و پەیوەندییەكان
هاوبەشی پێبکە بۆ سۆشیاڵ میدیا
