مەفرەزەكانی بەشی پۆلیسی نەهێشتنی تاوانی سلێمانی چوار تۆمەتباریان دەستگیركرد كە چەند ماركێتێكان لە شاری سلێمانی بڕیبوو .

 

دوای ئەوەی چەند هاوڵاتییەك سكاڵایان تۆماركرد كە ماركێتەكانیان بڕدراوەو دزییان لێكراوە، هێزەكانی بەشی پۆلیسی نەهێشتنی تاوانی سلێمانی لێكۆڵینەوەكانیان دەستپێكردوو دوای گەڕان و بەدواداچوونەكان توانرا لە لایەن هەردوو نوسینگەی نەهێشتنی تاوانی كوردسات و ڕۆژهەڵات تۆمەتباران بدۆزرێنەوەو دەستگیربكرێن، كە تۆمەتباران هەستاون بەبڕین و دزیكردن لە 9 ماركێت لە شاری سلێمانی و دزینی ماتۆڕ سكیل و هەوڵدان بۆ دزینی ئۆتۆمبێل .

 

لەئێستادا تۆمەتباران

أ،ع، ح لەدایكبوی 2003

ش،م،ح لەدایكبووی 2003

م،ع،م لەدایكبووی 1984

د،أ،خ لەدایكبووی 1992

بەبڕیاری بەڕێز دادوەر ڕاگیراوان و دانیان بەتاوانەکەیاندا ناوە.

 

جێی ئاماژەیە تۆمەتباران پێشینەی تاوانیان هەیە و پێشتریش لەسەر دزیكردن دەستگیركراون.

 

بەڕێوەبەرایەتی پۆلیسی پارێزگای سلێمانی – ڕاگەیاندن و پەیوەندییەكان