بەڕێوەبەری پۆلیسی پارێزگای سلێمانی بەشداری کرد لەمەراسیمی بەخشینی بڕوانامەی لێکۆڵەری پۆلیس بەکۆمە
بەڕێز عەمیدی دکتۆر ئارام محەمەد صاڵح سەعید، بەڕێوەبەری پۆلیسی پارێزگای سلێمانی بەیاوەری بەڕێزان شاهۆ عوسمان, جێگری پارێزگاری سلێمانی و عەمید جەمال محمد، نوێنەری دەزگای ئاسایشی هەرێمی کوردستان و عەمید خالید ماوەتی، بەڕێوەبەری ئاسایشی سلێمانی و عەقید یاسین محمد، داواکاری گشتی هێزەکانی ناوخۆ سەردانی بەڕێوەبەرایەتی مەشق و شیاندنی کردو بڕوانامەی خولەکەیان پێشکەشی ژمارەیەک ڕێپێدراوی پۆلیس کرد کە سەرکەوتووانە بەشدارییان لەخولی ڕێپێدراوی لێکۆڵەردا کردبوو.
بەڕێز عەمیدی دکتۆر ئارام محەمەد صاڵح سەعید سوپاس و پێزانینی خۆی ئاراستەی بەڕێوەبەرایەتی ناوبراو و ئەفسەرو کارمەندەکانی کرد لەپای ئەرک و ماندووبونی بەردەوامیان لەپرۆسەی بەرزکردنەوەی توانای ئەکادیمی و پراکتیکی زانستی ئەفسەرو کارمەندان.
هاوبەشی پێبکە بۆ سۆشیاڵ میدیا
